Public Oferta

"INTEGER" Masʻuliyati Cheklangan Jamiyati tomonidan
EduBaza.uz ta'lim platformasi xizmatlarini ko'rsatish haqida

Versiya: 1.0.0
Kuchga kirish sanasi: 2026-yil 1-yanvar

PREAMBULA

Ushbu hujjat — Oʻzbekiston Respublikasi Fuqarolik kodeksining 367-, 369-, 370-, 426-moddalariga muvofiq rasmiylashtirilgan public oferta (umumjamoat taklifnomasi) boʻlib, "INTEGER" Masʻuliyati Cheklangan Jamiyati (INN: 308305720, keyingi oʻrinlarda — "Ofertant") tomonidan muddati cheklanmagan va cheksiz shaxslar doirasiga qaratilgan.

Foydalanuvchi tomonidan EduBaza.uz platformasida roʻyxatdan oʻtish, xizmatlarga obuna boʻlish, marketplace orqali material sotish yoki sotib olish, yoki toʻlovni amalga oshirish — ushbu ofertani toʻliq va soʻzsiz qabul qilish (aksept) deb tan olinadi va Ofertant bilan Foydalanuvchi oʻrtasida yuridik kuchga ega shartnoma tuziladi.

Ofertani qabul qilmaslik uchun yagona yoʻl — platformadan foydalanmaslik.

1. ATAMALAR VA TA'RIFLAR

1.1. Ofertant — "INTEGER" Masʻuliyati Cheklangan Jamiyati, INN: 308305720, davlat roʻyxatidan oʻtkazish raqami: 965950, roʻyxatdan oʻtkazilgan sana: 17.03.2021. Toʻliq rekvizitlari ushbu Ofertaning 19-boʻlimida.

1.2. Platforma — https://edubaza.uz domen nomida joylashgan va Ofertantga tegishli "EduBaza.uz" nomli sun'iy intellekt texnologiyalari asosidagi ta'lim platformasi, shu jumladan uning sahifalari, API, mobil versiyalari va integratsiya qilingan Telegram bot.

1.3. Foydalanuvchi — Platformada roʻyxatdan oʻtgan va ushbu ofertani qabul qilgan har qanday jismoniy yoki yuridik shaxs.

1.4. Akkaunt — Foydalanuvchining Platformadagi shaxsiy hisob yozuvi.

1.5. Xizmatlar — Ofertant tomonidan Platforma orqali Foydalanuvchiga taqdim etiladigan barcha funksiyalar, ularning toʻliq tafsilotlari ushbu Ofertaning 4-boʻlimida.

1.6. Obuna (Tarif) — Foydalanuvchi tomonidan tanlangan va muayyan muddat (oylik yoki yillik) uchun toʻlangan Xizmatlar toʻplami. Tariflar va ularning narxlari https://edubaza.uz/pricing sahifasida.

1.7. Avtomatik yangilanish (Avto-uzaytirish) — Obuna muddati tugaganda Foydalanuvchining oldindan bergan ruxsati asosida kartadan tarif narxining avtomatik yechib olinishi va obunaning yangi muddatga uzaytirilishi.

1.8. Toʻlov tizimlari — Payme va Click — Oʻzbekiston elektron toʻlov tizimlari.

1.9. Trial (sinov davri) — Platformani sinab koʻrish uchun chegirmali narxda taqdim etiladigan vaqtinchalik obuna. Bir Foydalanuvchi uchun faqat bir marta beriladi.

1.10. BEMINNAT tarifi — bepul tarif, cheklangan imkoniyatlar bilan. Avtomatik toʻlov yoʻq.

1.11. Marketplace — Platforma ichidagi onlayn savdo maydonchasi boʻlib, oʻqituvchilar bir-birlariga ta'lim materiallarini sotishi va sotib olishi mumkin.

1.12. Sotuvchi — Marketplace orqali oʻz ta'lim materialini sotuvga chiqaruvchi Foydalanuvchi.

1.13. Xaridor — Marketplace orqali ta'lim materiali sotib oluvchi Foydalanuvchi.

1.14. Platforma komissiyasi — Marketplace orqali har bir muvaffaqiyatli sotuvdan Ofertant tomonidan ushlab qolinadigan ulush. Joriy stavka — 40% (qirq foiz).

1.15. Hold period (ushlab turish davri) — Marketplace orqali sotilgan material uchun Sotuvchi mablagʻlari Xaridor refund soʻrashi uchun ushlab turiladigan vaqt. Joriy davr — 7 (yetti) kun.

1.16. Payout (mablagʻni yechib olish) — Sotuvchi tomonidan Marketplace daromadini bank kartasi yoki bank oʻtkazmasi orqali yechib olish jarayoni.

1.17. Ushbu Oferta — mazkur hujjat va uning keyingi barcha oʻzgartirishlar va qoʻshimchalari.

2. OFERTA PREDMETI

2.1. Ofertant ushbu Oferta shartlariga muvofiq Foydalanuvchiga Platforma orqali Xizmatlarni taqdim etish, va Marketplace funksiyasi orqali Foydalanuvchilar oʻrtasida vositachilik xizmatini koʻrsatish majburiyatini oladi.

2.2. Platforma asosan Oʻzbekiston Respublikasi oʻqituvchilari, ta'lim mutaxassislari va ta'lim tashkilotlari uchun moʻljallangan.

2.3. Xizmatlar elektron shaklda, Internet tarmogʻi orqali taqdim etiladi va jismoniy yetkazib berishni talab qilmaydi.

2.4. Ushbu Oferta shartlariga muvofiq tuzilgan shartnoma — xizmatlar koʻrsatish shartnomasi deb tan olinadi (Oʻzbekiston Respublikasi FK 703-moddasi).

3. OFERTA QABUL QILISH (AKSEPT)

3.1. Ofertani qabul qilish quyidagi harakatlardan biri orqali amalga oshiriladi:

• Platformada roʻyxatdan oʻtish va hisob yaratish;
• Pullik tarifga obuna boʻlish uchun toʻlovni amalga oshirish;
• Checkout sahifasida "Ofertani qabul qilaman" belgisini tanlash va toʻlovni tasdiqlash;
• Mavjud obunani yangilash yoki oʻzgartirish;
• Marketplace orqali material sotish yoki sotib olish.

3.2. Ofertani qabul qilish — toʻliq va soʻzsiz, hech qanday istisno, cheklovlar va shartlarsiz amalga oshiriladi (Oʻzbekiston FK 370-moddasi).

3.3. Akseptlash paytida quyidagi ma'lumotlar avtomatik ravishda elektron shaklda saqlanadi:

• Akseptlash sanasi va aniq vaqti;
• Foydalanuvchining IP-manzili;
• Foydalanuvchining brauzeri va qurilmasi haqidagi ma'lumotlar (User-Agent);
• Qabul qilingan Oferta versiyasi;
• Toʻlov tafsilotlari.

3.4. Bu ma'lumotlar Ofertant tomonidan kamida 5 (besh) yil davomida saqlanadi va huquqiy da'vo, chargeback yoki sud tartibida dalil sifatida ishlatiladi.

3.5. Foydalanuvchi ushbu Ofertani qabul qilgan paytdan boshlab uning barcha shartlari bilan tanishganligini va roziligini tasdiqlagan hisoblanadi. Keyinchalik "Men bu shartlarni bilmaganman" yoki "tushunmaganman" degan da'volarni bildirish huquqidan voz kechadi.

4. XIZMATLAR

4.1. Ofertant Platforma orqali quyidagi asosiy Xizmatlarni taqdim etadi:

• Sun'iy intellekt yordamida ta'lim materiallari, ishchi varaqalar, krosswordlar va oʻquv testlarini generatsiya qilish;
• Elektron darsliklar va kutubxonadan foydalanish;
• Interaktiv taqdimotlar va darslarni yaratish va koʻrish;
• Oʻquv oʻyinlari yaratish va foydalanish;
• Materiallarni PDF va boshqa formatlarda yuklab olish;
• Oʻz-oʻzini attestatsiya qilish va test topshirish;
• Marketplace orqali materiallar sotish va sotib olish;
• Xabar almashinuv va doʻstlar tizimi;
• Boshqa Ofertant tomonidan taqdim etiladigan funksiyalar.

4.2. Xizmatlar roʻyxati va funksionalligi Ofertant tomonidan bir tomonlama, Foydalanuvchini alohida ogohlantirmasdan oʻzgartirilishi, kengaytirilishi yoki qisqartirilishi mumkin.

4.3. Har bir tarif uchun xizmatlardan foydalanish cheklovlari https://edubaza.uz/pricing sahifasida.

4.4. Ofertant Xizmatlarning sifati, toʻgʻriligi va foydaliligi boʻyicha hech qanday kafolat bermaydi. Jumladan, AI texnologiyasi tomonidan generatsiya qilingan kontentning toʻgʻriligi, mukammalligi va ta'lim standartlariga mosligi uchun Ofertant javobgar emas.

4.5. Foydalanuvchi AI yordamida yaratilgan materiallarni oʻzi tekshirishi va mustaqil baholashi kerakligini tushunadi va qabul qiladi.

5. NARXLAR VA TO'LOV TARTIBI

5.1. Xizmatlarning joriy narxlari https://edubaza.uz/pricing sahifasida UZS valyutasida koʻrsatilgan.

5.2. Ofertant istalgan vaqtda, oldindan alohida ogohlantirmasdan narxlarni oʻzgartirish huquqiga ega. Narx oʻzgarganligi haqida rasmiy ogohlantirish — https://edubaza.uz/pricing sahifasida yangi narx koʻrsatilgan paytdan boshlab amal qiladi.

5.3. Foydalanuvchi narxlarni mustaqil ravishda tekshirib turishi kerak. Sayt da koʻrsatilgan narxni bilmaslik — toʻlov majburiyatidan ozod qilmaydi.

5.4. Narx oʻzgarishi quyidagi tartibda qoʻllaniladi:

• Joriy obuna muddati tugaguncha eski narx amal qiladi;
• Obuna avtomatik yangilanganda yangi narx qoʻllaniladi;
• Foydalanuvchi yangi narxga rozi boʻlmasa, obunani avtomatik yangilanishdan oldin bekor qilishi mumkin.

5.5. Toʻlovlar Payme va Click elektron toʻlov tizimlari orqali UZS da qabul qilinadi.

5.6. Toʻlov amalga oshirilgan paytdan boshlab xizmatlar darhol faollashadi.

5.7. Toʻlov tizimlarining xatoliklari, kechikishlari yoki uzilishlari — Ofertant javobgarligida emas.

5.8. Foydalanuvchi oʻz kartasida yetarli mablagʻ mavjudligi va uning toʻgʻri ishlashini ta'minlash majburiyatini oladi.

5.9. Toʻlovlar Oʻzbekiston Respublikasi soliq qonunchiligiga muvofiq QQS (0%) stavkasida amalga oshiriladi. IKPU kodi: 10305008002000000 — "Uchinchi shaxslarga dasturiy ta'minot (ma'lumotlar bazasi)dan foydalanish imkoniyatini berish xizmatlari".

6. AVTOMATIK YANGILANISH (AVTO-UZAYTIRISH)

6.1. Pullik tarifga obuna boʻlish paytida Foydalanuvchi toʻlov kartasi ma'lumotlarini Toʻlov tizimlari orqali kiritadi. Karta tokenlashtirish texnologiyasi yordamida, Foydalanuvchining roziligi bilan, karta tokeni Ofertant tomonidan shifrlangan holda saqlanadi.

6.2. Checkout sahifasida Foydalanuvchi alohida belgi (checkbox) orqali avtomatik yangilanishga aniq va shak-shubhasiz rozilik bildiradi. Rozilik berilmagan taqdirda toʻlov amalga oshmaydi.

6.3. Obuna muddati tugashidan oldin Ofertant Foydalanuvchining kartasidan joriy tarif narxini avtomatik ravishda yechib oladi va obunani yangi muddatga uzaytiradi. Bu jarayon Foydalanuvchining har safar alohida tasdigʻini talab qilmaydi.

6.4. Avtomatik yangilanishga rozilik bir marta va doimiy rozilik hisoblanadi. Bu rozilik Foydalanuvchi tomonidan Profil sozlamalarining "Tarif" boʻlimida bekor qilingunga qadar amal qiladi.

6.5. Agar avtomatik toʻlov muvaffaqiyatsiz boʻlsa (masalan, kartada mablagʻ yetarli boʻlmasa), Ofertant 30 (oʻttiz) kalendar kun davomida, har 2 (ikki) kunda bir marta, jami 15 (oʻn besh) marta takroriy toʻlov urinishlarini amalga oshiradi (grace period). Bu davrda Foydalanuvchi joriy tarifda qoladi va xizmatlardan foydalanish imkoniyati saqlanadi.

6.6. Agar grace period yakunida barcha urinishlar muvaffaqiyatsiz boʻlsa, obuna avtomatik ravishda bekor qilinadi va Foydalanuvchi BEMINNAT (bepul) tarifiga oʻtkaziladi.

6.7. Foydalanuvchi avtomatik yangilanish boʻyicha quyidagilarni aniq tushunadi va qabul qiladi:

• Toʻlov har oy yoki har yili avtomatik yechiladi, obunani bekor qilmagunga qadar;
• Ofertant har bir avtomatik toʻlov oldidan alohida ogohlantirmaydi;
• Karta egasi kartasida mablagʻ mavjudligini oʻzi nazorat qiladi;
• Avtomatik yechilgan toʻlov "gʻaflatda yoki bexabar yechilgan" deb da'vo qilinishi mumkin emas, chunki Foydalanuvchi ushbu band bilan oldindan rozilik bergan.

6.8. Avtomatik yangilanish amalga oshirilganda Ofertant ma'lumot xarakteridagi bildirishnomani Foydalanuvchining Telegram yoki SMS aloqa kanaliga yuborishi mumkin. Bu bildirishnomalar — ma'lumot uchun, toʻlov uchun ruxsat soʻrovi emas.

7. OBUNANI BEKOR QILISH

7.1. Foydalanuvchi istalgan vaqtda, hech qanday sabab koʻrsatmasdan, Profil → Sozlamalar → Tarif boʻlimida joylashgan "Obunani bekor qilish" yoki "Avtomatik yangilanishni toʻxtatish" tugmasi orqali obunani bekor qilishi mumkin.

7.2. Obunani bekor qilish keyingi toʻlov davrigacha amaldagi obuna tugatmaydi — Foydalanuvchi obuna muddati tugaguniga qadar barcha xizmatlardan foydalanish huquqiga ega.

7.3. Bekor qilingandan soʻng avtomatik yangilanish toʻxtatiladi va keyingi muddatga karta dan pul yechilmaydi.

7.4. Obunani bekor qilish — pul qaytarilishini anglatmaydi. Pul qaytarish 8-boʻlim qoidalariga muvofiq amalga oshiriladi.

8. PUL QAYTARISH SIYOSATI

8.1. Ofertant Foydalanuvchiga 3 (uch) kunlik pul qaytarish kafolati beradi — toʻliq narxli pullik tarifga birinchi marta obuna boʻlingan taqdirda. Birinchi toʻlov sanasidan 3 kun ichida murojaat qilingan holda, pul sababsiz qaytariladi.

8.2. Pul qaytarish QO'LLANILMAYDIGAN holatlar:

• Trial (sinov) obunalari — qaytarilmaydi, chunki ular allaqachon chegirmali narxda taqdim etilgan;
• Promo kod orqali 100% chegirma bilan olingan obunalar — qaytarilmaydi;
• Avtomatik yangilanishdan keyingi toʻlovlar — 3 kunlik kafolat faqat birinchi toʻlov uchun amal qiladi;
• Abuse (suiiste'mol) — agar 3 kunlik muddat ichida Foydalanuvchi 20 (yigirma) dan ortiq ta'lim materiali yaratgan yoki yuklab olgan boʻlsa, bu faol foydalanish deb tan olinadi va pul qaytarilmaydi;
• 3 kunlik muddatdan keyingi murojaatlar — har qanday holatda rad etiladi;
• Marketplace materiallari — alohida qoidalar 12-boʻlimda;
• Tashkilot (organization) toʻlovlari — alohida shartnoma asosida;
• Foydalanuvchi tomonidan Oferta shartlarini buzish — pul qaytarilmaydi.

8.3. Pul qaytarish soʻrovi info@edubaza.uz ga elektron pochta orqali yoki Platformadagi maxsus sahifa orqali yuboriladi. Soʻrov koʻrib chiqish muddati — 10 (oʻn) ish kuni.

8.4. Tasdiqlangan qaytarish — xuddi shu karta orqali amalga oshiriladi.

8.5. Batafsil pul qaytarish shartlari https://edubaza.uz/refund sahifasida.

9. FOYDALANUVCHINING HUQUQ VA MAJBURIYATLARI

9.1. Foydalanuvchining huquqlari:

• Tanlangan tarif doirasida Platforma xizmatlaridan foydalanish;
• Profil sozlamalarida oʻz obunasini boshqarish;
• Marketplace orqali material sotish va sotib olish;
• Qoʻllab-quvvatlash xizmatiga murojaat qilish;
• Shaxsiy ma'lumotlariga kirish va ularni oʻzgartirish.

9.2. Foydalanuvchining majburiyatlari:

• Roʻyxatdan oʻtishda haqiqiy ma'lumotlarni taqdim etish;
• Hisob ma'lumotlarini xavfsiz saqlash va 3-shaxslarga oshkor qilmaslik;
• Platformadan faqat qonuniy maqsadlarda foydalanish;
• Platforma ishlashiga xalaqit beradigan harakatlarni amalga oshirmaslik (massa soʻrovlar, bot, scraper);
• Boshqa foydalanuvchilarning huquqlarini buzmaslik;
• Noqonuniy, haqoratli, pornografik yoki zoʻravonlikni targʻib qiluvchi kontent joylashtirmaslik;
• Mualliflik huquqi bilan himoyalangan materiallarni ruxsatsiz yuklamaslik;
• Avtomatik yangilanish uchun kartada yetarli mablagʻni ta'minlash;
• Narx va shartlarning oʻzgarishini mustaqil kuzatib borish.

9.3. Yuqoridagi majburiyatlarning har qanday buzilishi — obunaning darhol, pul qaytarishsiz bekor qilinishiga olib keladi.

10. OFERTANTNING HUQUQ VA MAJBURIYATLARI

10.1. Ofertant quyidagi huquqlarga ega:

• Foydalanuvchi tomonidan Oferta shartlarining buzilishi holatida obunani darhol bekor qilish va hisobni oʻchirish;
• Texnik profilaktika, yangilanishlar yoki boshqa sabablarga koʻra Platforma ishlashini vaqtincha toʻxtatish;
• Platforma funksiyalarini, interfeysini, narxlarini va shartlarini bir tomonlama oʻzgartirish;
• Foydalanuvchining kartasidan obuna toʻlovlarini avtomatik yechib olish (6-boʻlimga muvofiq);
• Shubhali yoki firibgarlik harakatlarini aniqlagan holatda toʻlov va hisobni bloklash;
• Kontent va ma'lumotlarni moderatsiyalash va qonunga zid kontentni oʻchirish.

10.2. Ofertant quyidagi majburiyatlarni oladi:

• Foydalanuvchi tomonidan toʻlangan obuna doirasida Xizmatlarni imkon qadar uzluksiz taqdim etish;
• Foydalanuvchining shaxsiy ma'lumotlarini maxfiylik siyosatiga muvofiq himoya qilish;
• Foydalanuvchining qonuniy soʻrovlariga oqilona muddatlar ichida javob berish.

10.3. Ofertant uzluksiz ishlash kafolati bermaydi. Texnik nosozliklar, server uzilishlari, Internet muammolari yoki 3-shaxs xizmatlarining uzilishi natijasida xizmat vaqtincha mavjud boʻlmasligi mumkin va bu Foydalanuvchiga hech qanday kompensatsiya olishga asos yaratmaydi.

11. JAVOBGARLIKDAN CHIQISH VA CHEKLANGAN MAS'ULIYAT

11.1. Ofertant quyidagi holatlar uchun hech qanday javobgarlikni oʻz zimmasiga olmaydi:

• Server downtime, texnik nosozliklar, Internet aloqa uzilishlari;
• Payme, Click, Telegram, Google, OpenAI, Anthropic va boshqa 3-shaxs xizmatlarining xatoliklari yoki uzilishlari;
• AI tomonidan generatsiya qilingan kontentning notoʻgʻriligi, nomukammalligi yoki ta'lim talablariga javob bermasligi;
• Foydalanuvchining oʻz akkaunt ma'lumotlarini yoʻqotishi yoki 3-shaxslarga oshkor qilinishi;
• Marketplace orqali sotilgan materiallarning sifati, toʻgʻriligi yoki ta'lim qiymati (Sotuvchi javobgarligida);
• Xizmatlardan notoʻgʻri foydalanish natijasida koʻrilgan har qanday zarar (yoʻqotilgan foyda, vaqt, ma'naviy zarar);
• Foydalanuvchining shartnoma shartlarini buzishi;
• Viruslar, zararli dasturlar va boshqa zararli kodlar;
• Forc-major holatlari (15-boʻlimga muvofiq);
• Soliq, huquqiy yoki boshqa professional maslahatlar — Platformadagi ma'lumotlar faqat umumiy xarakterga ega.

11.2. Har qanday holatda, Ofertantning javobgarligi — Foydalanuvchi tomonidan oxirgi toʻlangan obuna summasidan oshmasligi kerak. Bilvosita, tasodifiy, jazoli yoki maxsus zararlar uchun javobgarlik toʻliq istisno qilinadi.

11.3. Foydalanuvchi ushbu cheklov bilan toʻliq va soʻzsiz roziligini tasdiqlaydi va Ofertantga nisbatan bu cheklovdan tashqari hech qanday da'vo qilish huquqidan voz kechadi.

12. MARKETPLACE — MATERIAL SOTISH VA SOTIB OLISH

12.A. Umumiy qoidalar va Ofertantning roli

12.1. Marketplace — Platforma ichidagi savdo maydonchasi boʻlib, oʻqituvchilar bir-birlariga ta'lim materiallarini sotishi va sotib olishi mumkin.

12.2. Ofertant ushbu Marketplace da vositachi (agent) sifatida ishtirok etadi va toʻgʻridan-toʻgʻri sotuvchi yoki ishlab chiqaruvchi hisoblanmaydi. Sotuv shartnomasi — Sotuvchi va Xaridor oʻrtasida tuziladi, Ofertant esa vositachi va toʻlovni qabul qiluvchi tomon sifatida xizmat qiladi.

12.3. Ofertant Marketplace da sotilayotgan materiallar uchun mualliflik huquqi yoki sifat kafolatini bermaydi. Barcha javobgarlik Sotuvchi zimmasida.

12.B. Sotuvchining huquq va majburiyatlari

12.4. Marketplace orqali material sotish uchun Foydalanuvchi quyidagilarni tasdiqlashi shart:

• Material — uning shaxsiy ishi yoki u sotish uchun barcha kerakli huquqlarga ega;
• Material 3-shaxslarning mualliflik, brend yoki boshqa intellektual mulk huquqlarini buzmaydi;
• Material noqonuniy, haqoratli, yolgʻon yoki zararli kontent oʻz ichiga olmaydi;
• Material ta'limga oid va Platformaning maqsadiga mos.

12.5. Sotuvchi material yuklashdan oldin u admin moderatsiyasidan oʻtadi. Ofertant moderatsiya uchun aniq muddat va kafolat bermaydi.

12.6. Sotuvchi har bir muvaffaqiyatli sotuvdan 60% (oltmish foiz) ulushini oladi. Qolgan 40% (qirq foiz) — Ofertantning Platforma komissiyasi.

12.7. Sotuvchi soliq majburiyatlarini mustaqil ravishda oʻz zimmasiga oladi. Marketplace orqali olingan daromad uchun soliq — Sotuvchi tomonidan, Oʻzbekiston Respublikasi qonunchiligiga muvofiq, mustaqil ravishda hisoblanadi va toʻlanadi. Ofertant faqat oʻzining 40% komissiyasi uchun soliq toʻlaydi.

12.8. Sotuvchi quyidagi holatlarda Marketplace dan oʻchiriladi yoki bloklanadi:

• 12.4-banddagi shartlardan birortasi buzilsa;
• Plagiat yoki mualliflik huquqi buzilishi aniqlansa;
• Sifatsiz yoki yolgʻon tavsifli material qoʻysa;
• Xaridorlarni aldash yoki firibgarlikka urinish boʻlsa;
• Boshqa Foydalanuvchilarning huquqlarini buzsa.

12.9. Sotuvchi material narxini mustaqil belgilaydi, lekin Ofertant minimum va maksimum chegaralarni belgilash huquqiga ega.

12.C. Hold period va Payout

12.10. Har bir muvaffaqiyatli sotuvdan keyin Sotuvchining 60% ulushi 7 (yetti) kun davomida ushlab turiladi (hold period). Bu davrda Xaridor refund soʻrashi mumkin (12.D bandiga muvofiq).

12.11. Hold period yakunida, agar Xaridor refund soʻramagan boʻlsa, Sotuvchining mablagʻi mavjud balansga oʻtkaziladi.

12.12. Sotuvchi mavjud balansidan kamida 100,000 (yuz ming) soʻm toʻplaganida payout (mablagʻni yechib olish) soʻrovi yuborishi mumkin.

12.13. Payout usullari:

• UzCard plastik kartasi orqali;
• Humo plastik kartasi orqali;
• Bank oʻtkazma orqali (yuridik shaxslar uchun).

12.14. Payout soʻrovi Ofertant tomonidan 5-10 (besh-oʻn) ish kuni ichida koʻrib chiqiladi va amalga oshiriladi.

12.15. Ofertant payout ni rad etish huquqiga ega, agar:

• Sotuvchi 12-boʻlim qoidalarini buzgan boʻlsa;
• Sotuvchining hisobi shubhali boʻlsa;
• Karta yoki bank rekvizitlari notoʻgʻri boʻlsa;
• Soliq yoki huquqiy talablar bajarilmagan boʻlsa.

12.16. Payout uchun Ofertant qoʻshimcha komissiya olmaydi. 40% Platforma komissiyasi — yagona ushlanma.

12.D. Xaridor huquqlari va refund

12.17. Xaridor sotib olgan material darhol yuklab olishga tayyor boʻladi.

12.18. Marketplace materiallari uchun pul qaytarish faqat quyidagi holatlarda mumkin:

• Material yuklab olinmagan holatda, sotib olingandan 7 kun ichida Xaridor refund soʻrashi mumkin;
• Material texnik nosoz boʻlsa (ochilmaydi, fayl buzilgan, va h.k.) — vaqt cheklovisiz refund;
• Material tavsifga mos kelmasa (yolgʻon tavsif, plagiat va h.k.) — 7 kun ichida refund.

12.19. Refund qabul qilingan holatda:

• Xaridorga toʻliq summa qaytariladi (40% komissiya bilan birga);
• Sotuvchining mablagʻidan refund summasi yechib olinadi (agar hold period oʻtgan boʻlsa, balansdan; aks holda, hold ushlanadi);
• Xaridor materialdan foydalanish huquqini yoʻqotadi.

12.20. Material yuklab olingandan keyin refund qoidalari qattiqroq:

• Faqat material texnik nosoz yoki tavsifga mos kelmasa refund mumkin;
• "Yoqmadi" yoki "kerak emas" sabablar bilan refund yoʻq.

12.21. Ofertant refund soʻrovini koʻrib chiqish va qabul qilish/rad etish huquqiga ega. Yakuniy qaror — Ofertantning prerogativi.

12.E. Materialni oʻchirish

12.22. Sotuvchi oʻz materialini istalgan vaqtda Marketplace dan olib tashlashi mumkin. Lekin:

• Allaqachon sotilgan Xaridorlar uchun material mavjud boʻlib qoladi (chunki ular allaqachon toʻlagan);
• Yangi xaridorlar sotib ola olmaydi.

12.23. Ofertant 12-boʻlimning har qanday bandi buzilgan holatda materialni Marketplace dan darhol oʻchirish huquqiga ega.

12.F. Mualliflik huquqi va da'volar

12.24. Agar 3-shaxs sotuvchining materiali oʻzining mualliflik huquqini buzganligini da'vo qilsa, Ofertant shu materialni darhol Marketplace dan oʻchiradi va Sotuvchi bilan aloqa oʻrnatadi.

12.25. Mualliflik huquqi buzilishi natijasida 3-shaxsga toʻlanadigan har qanday tovon, jarima yoki sud xarajatlari — toʻliq Sotuvchi zimmasida.

12.26. Sotuvchi Ofertantni 3-shaxs da'volaridan toʻliq himoya qilish majburiyatini oladi.

13. INTELLEKTUAL MULK HUQUQLARI

13.1. EduBaza.uz Platformasi, uning dizayni, dasturiy ta'minoti, kodi, logo, brend belgilar — Ofertantning intellektual mulki hisoblanadi va Oʻzbekiston Respublikasi qonunchiligi va xalqaro huquq normalari bilan himoya qilinadi.

13.2. Foydalanuvchiga Platformadan foydalanish uchun shaxsiy, cheklangan, uzatib boʻlmaydigan va eksklyuziv boʻlmagan litsenziya beriladi.

13.3. Platformaning biror qismini Ofertantning yozma ruxsatisiz koʻpaytirish, modifikatsiya qilish, sotish yoki ijaraga berish qat'iyan taqiqlanadi.

13.4. Foydalanuvchi tomonidan Platformada yaratilgan kontent — Foydalanuvchining mulki boʻlib qoladi. Lekin Foydalanuvchi Ofertantga quyidagi huquqlarni beradi:

• Ushbu kontentni Platformada koʻrsatish va saqlash;
• Texnik ehtiyojlar uchun nusxalash va qayta ishlash;
• Statistik va tahliliy maqsadlarda anonimlashtirilgan shaklda ishlatish.

13.5. Foydalanuvchi oʻzi yuklagan kontentning qonuniyligi va 3-shaxs huquqlarini buzmasligi uchun toʻliq javobgar.

14. SHAXSIY MA'LUMOTLAR VA MAXFIYLIK

14.1. Foydalanuvchining shaxsiy ma'lumotlari Oʻzbekiston Respublikasining "Shaxsiy ma'lumotlar toʻgʻrisida"gi Qonuniga muvofiq qayta ishlanadi va himoya qilinadi.

14.2. Maxfiylik tartibining batafsil tafsilotlari https://edubaza.uz/privacy sahifasida.

14.3. Ofertani qabul qilish — Maxfiylik siyosatini ham qabul qilishni anglatadi.

14.4. Foydalanuvchining ma'lumotlari quyidagi 3-shaxslarga uzatilishi mumkin:

• Payme va Click — toʻlovlarni amalga oshirish uchun;
• Google Analytics va Yandex Metrica — statistik tahlil uchun (faqat Cookie consent berilganda);
• SMS va email xizmat provayderlari — bildirishnomalar uchun;
• Sun'iy intellekt provayderlari (OpenAI, Anthropic, Google) — AI generatsiya xizmatlari uchun;
• Oʻzbekiston Respublikasi davlat organlari — qonuniy talab yoki sud qaroriga asosan.

14.5. Ma'lumotlar obuna faol boʻlgan muddatda va uning tugashidan keyin kamida 5 (besh) yil davomida saqlanadi.

14.6. Foydalanuvchi oʻz ma'lumotlarini oʻchirib tashlashni talab qilish huquqiga ega, lekin bu holda xizmatdan foydalanish imkoniyati darhol toʻxtatiladi.

15. FORC-MAJOR

15.1. Ushbu Oferta shartlarini bajara olmaslik — agar bu forc-major holatlar tufayli yuz bergan boʻlsa, Tomonlar javobgarlikdan ozod qilinadi. Forc-major holatlariga quyidagilar kiradi:

• Tabiiy ofatlar (zilzila, sel, yongʻin, boʻron);
• Urushlar, terror harakatlari, inqilob, fuqarolik tartibsizliklari;
• Davlat tomonidan kiritilgan cheklovlar, qonun oʻzgarishlari;
• Internet global oʻchirilishi;
• Elektr energiya tarmogʻining katta miqyosli uzilishlari;
• Epidemiyalar va pandemiyalar;
• Payme, Click yoki boshqa toʻlov tizimlarining global ishdan chiqishlari;
• AI provayderlarining global xizmat uzilishlari.

15.2. Forc-major davrida Xizmatlarning mavjud boʻlmasligi — Foydalanuvchiga pul qaytarish yoki kompensatsiya huquqini bermaydi.

15.3. Forc-major 30 kundan ortiq davom etsa, har ikki Tomon shartnomani bir tomonlama bekor qilish huquqiga ega, lekin shu vaqtgacha amalga oshirilgan toʻlovlar qaytarilmaydi.

16. OFERTANING AMAL QILISH MUDDATI VA OʻZGARTIRISH

16.1. Ushbu Oferta 2026-yil 1-yanvarda kuchga kiradi va muddati cheklanmagan holda amal qiladi.

16.2. Ofertant Oferta shartlarini istalgan vaqtda, bir tomonlama va Foydalanuvchini oldindan alohida ogohlantirmasdan oʻzgartirish huquqiga ega.

16.3. Yangi Oferta versiyasi https://edubaza.uz/offer sahifasida e'lon qilingan paytdan boshlab kuchga kiradi.

16.4. Ofertani vaqti-vaqti bilan tekshirib borish — Foydalanuvchining majburiyati. Yangi versiyadan bexabarlik — uning kuchga kirishini toʻxtatmaydi.

16.5. Yangi versiya kuchga kirganidan soʻng Platformadan foydalanishni davom ettirish — yangi shartlarga soʻzsiz rozilikni bildiradi.

16.6. Foydalanuvchi yangi shartlarga rozi boʻlmagan taqdirda, uning yagona huquqi — obunani bekor qilish va Platformadan foydalanishni toʻxtatishdir.

17. NIZOLARNI HAL QILISH

17.1. Ushbu Oferta — Oʻzbekiston Respublikasi qonunchiligi asosida talqin qilinadi va tartibga solinadi.

17.2. Har qanday nizo, birinchi navbatda, muzokaralar yoʻli bilan hal qilinishi kerak. Da'vo qoʻzgʻatishdan oldin Foydalanuvchi info@edubaza.uz manziliga yozma murojaat yuborishi shart.

17.3. Ofertant murojaatga 30 (oʻttiz) kalendar kun ichida javob berishi mumkin.

17.4. Nizo muzokaralar orqali hal qilinmagan taqdirda, u Toshkent shahar iqtisodiy sudida koʻrib chiqiladi. Boshqa sudlarning yurisdiksiyasi istisno qilinadi.

17.5. Har qanday sud jarayonida, Ofertant tomonidan 3-boʻlimga muvofiq saqlanadigan elektron dalillar (IP, vaqt, versiya, User-Agent, consent yozuvlari) — yetarli va kuchli dalil sifatida qabul qilinadi.

18. YAKUNIY BANDLAR

18.1. Agar ushbu Ofertaning biror bandi qonunga zid yoki bajarib boʻlmaydigan deb tan olinsa, bu qolgan barcha bandlarning amal qilishiga ta'sir qilmaydi.

18.2. Ofertantning biror huquqni darhol qoʻllamasligi — oʻsha huquqdan voz kechish deb talqin qilinmaydi.

18.3. Foydalanuvchi oʻz huquqlari va majburiyatlarini 3-shaxslarga Ofertantning yozma roziligisiz uzatish huquqiga ega emas.

18.4. Ofertant oʻz huquqlari va majburiyatlarini, shu jumladan, ushbu Oferta boʻyicha tuzilgan shartnomani — Foydalanuvchini ogohlantirmagan holda uchinchi shaxslarga (kompaniyani qayta tashkil etish, sotish va h.k. holatlarida) uzatishi mumkin.

18.5. Ushbu Oferta oʻzbek tilida yozilgan. Boshqa tillardagi tarjimalar mavjud boʻlsa, nomuvofiqliklar yuzaga kelganda — oʻzbek tilidagi versiya ustunlikka ega.

18.6. Ushbu Oferta — Tomonlar oʻrtasidagi toʻliq kelishuv deb hisoblanadi va Platformadan foydalanish boʻyicha barcha oldingi ogʻzaki yoki yozma kelishuvlarning oʻrnini bosadi.

19. OFERTANT REKVIZITLARI

To'liq yuridik nomi: "INTEGER" Masʻuliyati Cheklangan Jamiyati

Qisqa nomi: "INTEGER" MChJ

INN: 308305720

Davlat ro'yxatidan o'tkazish raqami: 965950

Ro'yxatdan o'tkazilgan sana: 17.03.2021

Ro'yxatdan o'tkazgan organ: Toshkent shahri, Uchtepa tumani Davlat Xizmatlari Markazi

Yuridik manzil: Oʻzbekiston Respublikasi, Toshkent shahri, Uchtepa tumani, Farxod koʻchasi, 6A-uy

OKED: 85590 (Ta'limning boshqa turlari)

Direktor: Qodirov Muxriddin Axmad oʻgʻli

Bank rekvizitlari:

• Bank: "Oʻzsanoatqurilishbank" ATB, Toshkent shahri Bosh ofisi
• MFO: 00440
• Hisob raqami: 20208000905364784001
• Valyuta: UZS

Aloqa ma'lumotlari:

• Elektron pochta: info@edubaza.uz
• Telefon: +998 94 639 21 25
• Telegram: @edubazauzbot
• Sayt: https://edubaza.uz

Platforma: EduBaza.uz — sun'iy intellekt asosidagi ta'lim platformasi

Ushbu Oferta 2026-yil 1-yanvarda kuchga kiradi.